“لما بنقرا قصة الخروج في العهد القديم بنشوف قصة فداء عظيم حصل لشعب الله من العبودية بهدف الشركة مع الله. لكن كل القصة دي كانت بتشاور على فداء أعظم …
فداء يسوع المسيح لشعبه من عبودية الخطية والشيطان والموت.

هدف التأملات دي إنها توجه قلبك وفكرك وقت الاحتفال بعيد القيامة ناحية المخلص العظيم اللي جِه وضمن فداء أبدي لشعبه، وصلاتنا إن العيد ده ميعديش زي كل اللي قبله .. لكن تكون بكل صدق مستمتع بعمل “خروف الفصح” الكامل والنهائي اللي بموته وقيامته صنع “خروج” لشعبه وبسبب كده هم يقدروا يعيِّدو بفرح مالي قلوبهم ويشهدوا عن العمل ده بحياة تمجد المسيح ..
كتبت التأملات دي وسجلناها بالعامية المصرية بهدف وصول الرسالة لعدد أكبر من الناس في بلادنا، وصلاتنا ليكم ولكنايسكم يكون عيد مجيد مليان بالتركيز على الفادي، اللي ليه وحده كل المجد.”